"Tottenxem" bosh murabbiyi Antonio Konte APLning 13-turida "Nyukasl"dan uchralgan mag‘lubiyat (1:2) haqida fikr bildirdi.

“O‘tkazib yuborgan birinchi golimiz oldidan ko‘plab vaziyatlar yaratdik. Ehtimol, ularni yaxshiroq amalga oshirish bilan biz gol urishimiz mumkin edi. Keyin yana bir epizod bo‘ldi, lekin hakamning qaroriga izoh berishni istamayman. Ikkinchi gol esa qarshi hujumda kiritildi. Uni qaytarish juda qiyin edi. Biz qo‘limizdan kelgancha harakat qildik.

Siz qiyin vaziyatni yengishingiz kerak. Agar biz Premyer-liga va Chempionlar ligasida o‘ynashni istasak, tarkibni kuchaytirishimiz kerak. Siz doimo bir xil tarkibni o‘ynatsangiz, jarohatlar bo‘ladi. Uch-besh nafar futbolchi maydonni tark etsa, bu "Tottenxem" kabi jamoa uchun muammoga aylanadi", - deya Konte so‘zlarini keltirmoqda BBC.

"Tottenxem" ketma-ket ikkinchi o‘yinda mag‘lub bo‘ldi. Jamoa APLda uchinchi o‘rinni egallab turibdi (23 ochko). "Shporlar" keyingi turda 29 oktyabr kuni mehmonda “Bornmut” bilan bahs olib boradi.