"Тоттенхэм" бош мураббийи Антонио Конте АПЛнинг 13-турида "Ньюкасл"дан учралган мағлубият (1:2) ҳақида фикр билдирди.

“Ўтказиб юборган биринчи голимиз олдидан кўплаб вазиятлар яратдик. Эҳтимол, уларни яхшироқ амалга ошириш билан биз гол уришимиз мумкин эди. Кейин яна бир эпизод бўлди, лекин ҳакамнинг қарорига изоҳ беришни истамайман. Иккинчи гол эса қарши ҳужумда киритилди. Уни қайтариш жуда қийин эди. Биз қўлимиздан келганча ҳаракат қилдик.

Сиз қийин вазиятни енгишингиз керак. Агар биз Премьер-лига ва Чемпионлар лигасида ўйнашни истасак, таркибни кучайтиришимиз керак. Сиз доимо бир хил таркибни ўйнатсангиз, жароҳатлар бўлади. Уч-беш нафар футболчи майдонни тарк этса, бу "Тоттенхэм" каби жамоа учун муаммога айланади", - дея Конте сўзларини келтирмоқда BBC.

"Тоттенхэм" кетма-кет иккинчи ўйинда мағлуб бўлди. Жамоа АПЛда учинчи ўринни эгаллаб турибди (23 очко). "Шпорлар" кейинги турда 29 октябрь куни меҳмонда “Борнмут” билан баҳс олиб боради.