“Vilyarreal” Ispaniya chempionatining 11-tur uchrashuvida “Almeriya”ni qabul qilib, 2:1 hisobida zafar quchdi.

56-daqiqada Aleks Baena mezbonlarning birinchi goliga mualliflik qildi. Gol nishonlash paytida u libosini tepaga ko‘tardi, uning ostida klubning vafot etgan vise-prezidenti Xose Lanos sharafiga yozilgan yozuv bor edi. Uchrashuv bosh hakami Baenaga sariq kartochka ko‘rsatdi va bu uning uchun bu uchrashuvdagi ikkinchisi bo‘ldi.

"Vilyarreal" 18 ochko bilan La Liga turnir jadvalida 7-o‘rinni egallab turibdi. "Almeriya" 10 ochko bilan 14-o‘rinda bormoqda.