“Вильярреал” Испания чемпионатининг 11-тур учрашувида “Альмерия”ни қабул қилиб, 2:1 ҳисобида зафар қучди.

56-дақиқада Алекс Баэна мезбонларнинг биринчи голига муаллифлик қилди. Гол нишонлаш пайтида у либосини тепага кўтарди, унинг остида клубнинг вафот этган вице-президенти Хосе Ланос шарафига ёзилган ёзув бор эди. Учрашув бош ҳаками Баэнага сариқ карточка кўрсатди ва бу унинг учун бу учрашувдаги иккинчиси бўлди.

"Вильярреал" 18 очко билан Ла Лига турнир жадвалида 7-ўринни эгаллаб турибди. "Альмерия" 10 очко билан 14-ўринда бормоқда.