Turinning “Yuventus” klubi yarim himoyachisi Adryen Rabyo 2023 yilning yozida erkin agent sifatida “Barselona”ga o‘tishi mumkin. Bu haqda Calciomercato.it xabar bermoqda. Manbaga ko‘ra, Xavi yarim himoya chizig‘ini yangi futbolchilar bilan kuchaytirmoqchi, Rabyo esa bu rolga nomzodlardan biriga aylangan.
Oldinroq 27 yoshli futbolchining "Manchester Yunayted"ga transferi o‘tgan yozda Rabyoning yuqori talablari tufayli amalga oshmay qolgani haqida xabar berilgandi. Xuddi shu narsa hozir "Yuventus"da sodir bo‘lmoqda, shuning uchun klub uning 2023 yilda tugaydigan shartnomasini uzaytira olmaydi. Rabyo 2010 yildan 2019 yilgacha o‘ynagan "PSJ"ga qaytishi mumkin.