Туриннинг “Ювентус” клуби ярим ҳимоячиси Адрьен Рабьо 2023 йилнинг ёзида эркин агент сифатида “Барселона”га ўтиши мумкин. Бу ҳақда Calciomercato.it хабар бермоқда. Манбага кўра, Хави ярим ҳимоя чизиғини янги футболчилар билан кучайтирмоқчи, Рабьо эса бу ролга номзодлардан бирига айланган.
Олдинроқ 27 ёшли футболчининг "Манчестер Юнайтед"га трансфери ўтган ёзда Рабьонинг юқори талаблари туфайли амалга ошмай қолгани ҳақида хабар берилганди. Худди шу нарса ҳозир "Ювентус"да содир бўлмоқда, шунинг учун клуб унинг 2023 йилда тугайдиган шартномасини узайтира олмайди. Рабьо 2010 йилдан 2019 йилгача ўйнаган "ПСЖ"га қайтиши мумкин.