Madridning "Real" klubi rahbariyati yozda jamoani tark etishi kutilayotgan Toni Kroos o‘rniga "Borussiya D" yarim himoyachisi Jud Bellingemni sotib olishni maqsad qilgan.
Sport.es xabariga ko‘ra, "qirollik klubi" Kroosga bir yillik shartnoma taklif qilgan. Futbolchi bunga rad javobini bersa, Peres boshchiligidagi rahbariyat Bellingem transferiga bor e’tiborini qaratadi.
19 yoshli angliyalik futbolchi Transfermarkt portalida 90 million yevroga baholangan. Uning dortmundliklar bilan amaldagi shartnomasi 2025 yilda yakunlanadi. Bellingem joriy mavsum barcha turnirlarda 17 ta o‘yinda 8 ta gol urib, 2 golli uzatma amalga oshirdi.