"Barselona" bosh murabbiyi Xavi Chempionlar ligasida "Bavariya"ga qarshi bo‘lib o‘tadigan o‘yin, shuningdek, turnirdagi pozisiyasi haqida gapirdi.

“Biz ushbu raqiblar bilan raqobatlasha olishimizni ko‘rsatish uchun ko‘p harakat qilamiz. Keyingi bosqichga o‘tishimiza umid kam. Afsuski, taqdirimiz bizga bog‘liq emas, bu baxtsizlik. Biz mentalitetimizdan chetga chiqmasligimiz kerak. Klassikodan keyin vaziyat falokatga o‘xshardi, lekin biz ikkita kuchli raqib bilan yaxshi o‘ynadik. “Inter” o‘yinida nima bo‘lishidan qat’iy nazar, shunday raqiblar bilan raqobatlasha olishimizni ko‘rsatish yo‘lida davom etishimiz kerak.

"Bavariya"? Men juda zo‘r, jismoniy va taktik jihatdan yaxshi raqib bo‘lishini kutyapman. Biz ularni dunyoning eng yaxshi jamoalaridan biri deb bilamiz. Bu muhim o‘yin. Nima bo‘lishidan qat’iy nazar, biz g‘alaba qozonishimiz kerak. Ertaga biz shunday jamoa darajasida bo‘la olishimizni ko‘rsatishimiz kerak", - deya Xavi so‘zlarini keltiradi Marca.