Madridning “Real” klubi yarim himoyachisi Luka Modrich JCH-2022dan so‘ng Xorvatiya terma jamoasidagi faoliyatini yakunlashini ma’lum qildi.
36 yoshli futbolchi ushbu turnir uning xalqaro miqyosdagi so‘nggisi bo‘lishini tasdiqladi.
Modrich milliy terma jamoada 2006 yildan buyon o‘ynab kelmoqda. U sardor va o‘tkazilgan o‘yinlar soni bo‘yicha rekordchi (154).
Lukaning terma jamoa bilan erishgan eng yaxshi yutug‘i 2018 yilgi jahon chempionati finaliga chiqish bo‘lib, unda xorvatlar Fransiyaga mag‘lub bo‘lgandi. O‘sha yili yarim himoyachi "Oltin to‘p"ni qo‘lga kiritdi.
Joriy mavsumda Modrich "Real" safida 14 ta o‘yinda 3 ta gol va 1 ta golli uzatmaga mualliflik qildi.
