Мадриднинг “Реал” клуби ярим ҳимоячиси Лука Модрич ЖЧ-2022дан сўнг Хорватия терма жамоасидаги фаолиятини якунлашини маълум қилди.
36 ёшли футболчи ушбу турнир унинг халқаро миқёсдаги сўнггиси бўлишини тасдиқлади.
Модрич миллий терма жамоада 2006 йилдан буён ўйнаб келмоқда. У сардор ва ўтказилган ўйинлар сони бўйича рекордчи (154).
Луканинг терма жамоа билан эришган энг яхши ютуғи 2018 йилги жаҳон чемпионати финалига чиқиш бўлиб, унда хорватлар Францияга мағлуб бўлганди. Ўша йили ярим ҳимоячи "Олтин тўп"ни қўлга киритди.
Жорий мавсумда Модрич "Реал" сафида 14 та ўйинда 3 та гол ва 1 та голли узатмага муаллифлик қилди.
