"Manchester Siti" bosh murabbiyi Xosep Gvardiola Chempionlar ligasining 5-turi doirasida Dortmundning "Borussiya"siga (0:0) qarshi o‘yindan so‘ng, hujumchi Erlin Xoland va himoyachi Joau Kanselu nima uchun tanaffusda almashtirilganiga izoh berdi.
“O‘yindan oldin Erlinning isitmasi biroz ko‘tarilgan, xuddi Kanselu kabi. Ular charchagan edi, shuning uchun biz o‘zgarishlar qildik. Birinchi bo‘limdan keyin Xolandning oyog‘iga zarba berliganidan keyin uning jarohati jiddiymi yoki yo‘qligini bilmayman. Tanaffusda tibbiyot xodimlari bilan gaplashdim va ular biroz tashvishlanishdi. Ko‘ramiz", - deya Gvardiolaning so‘zlarini keltiradi UYEFA matbuot xizmati.
