"Манчестер Сити" бош мураббийи Хосеп Гвардиола Чемпионлар лигасининг 5-тури доирасида Дортмунднинг "Боруссия"сига (0:0) қарши ўйиндан сўнг, ҳужумчи Эрлин Холанд ва ҳимоячи Жоау Канселу нима учун танаффусда алмаштирилганига изоҳ берди.
“Ўйиндан олдин Эрлиннинг иситмаси бироз кўтарилган, худди Канселу каби. Улар чарчаган эди, шунинг учун биз ўзгаришлар қилдик. Биринчи бўлимдан кейин Холанднинг оёғига зарба берлиганидан кейин унинг жароҳати жиддийми ёки йўқлигини билмайман. Танаффусда тиббиёт ходимлари билан гаплашдим ва улар бироз ташвишланишди. Кўрамиз", - дея Гвардиоланинг сўзларини келтиради УЕФА матбуот хизмати.
