Turinning “Yuventus” klubi muxlislari jamoa bosh murabbiyi Massimiliano Allegrining ishidan norozi. Corriere dello Sport nashri xabariga ko‘ra, "keksa sinyora" muxlislari mutaxassisning iste’fosini talab qilmoqda. Jamoa muxlislari ijtimoiy tarmoqlarda #AllegriOut xeshtegini ishga tushirishdi.
Kecha Lissabonning “Benfika”sidan (3:4) mag‘lubiyatga uchragandan so‘ng, muxlislarning sabr-kosasi to‘ldi. Chunki, ushbu mag‘lubiyatdan keyin turinliklar Chempionlar ligasining pley-off bosqichiga chiqish imkoniyatidan mahrum bo‘lishdi. Besh turdan keyin “Yuventus” uch ochko bilan guruhda oxirgi o‘rinda bormoqda.
A Seriyada ham “keksa sinyora”ning ishlari yurishmayapti. 11-tur natijalariga ko‘ra, jamoa sakkizinchi o‘rinni egallab turibdi.
