Туриннинг “Ювентус” клуби мухлислари жамоа бош мураббийи Массимилиано Аллегрининг ишидан норози. Corriere dello Sport нашри хабарига кўра, "кекса синьора" мухлислари мутахассиснинг истеъфосини талаб қилмоқда. Жамоа мухлислари ижтимоий тармоқларда #AllegriOut хештегини ишга туширишди.
Кеча Лиссабоннинг “Бенфика”сидан (3:4) мағлубиятга учрагандан сўнг, мухлисларнинг сабр-косаси тўлди. Чунки, ушбу мағлубиятдан кейин туринликлар Чемпионлар лигасининг плей-офф босқичига чиқиш имкониятидан маҳрум бўлишди. Беш турдан кейин “Ювентус” уч очко билан гуруҳда охирги ўринда бормоқда.
А Серияда ҳам “кекса синьора”нинг ишлари юришмаяпти. 11-тур натижаларига кўра, жамоа саккизинчи ўринни эгаллаб турибди.
