Ispaniya La ligasi prezidenti Xavyer Tebas Chempionlar ligasidagi natijalar tufayli vahima qilmaslikka chaqirdi.
Eslatib o‘tamiz, guruh bosqichi yakunlanishiga bir tur qolganda La Liganing birdaniga uchta vakili - "Barselona", "Atletiko Madrid" va "Sevilya" 1/8 finalga chiqish imkoniyatidan mahrum bo‘ldi. Eng nufuzli yevrokubok turniri pley-off bosqichida Ispaniyadan faqat turnirning amaldagi g‘olibi – “Real” qoldi.
"Olti oy oldin Chempionlar ligasining yarim finalida ikkita vakilimiz bor edi va olti oy ichida biz top-ligadan kuchsiz ligaga chiqa olmaganimiz aniq. Ha, umidsizlik bor, bu aniq. Ammo vaziyatni chuqurroq baholashingiz kerak: agar bu besh yil davomida sodir bo‘lgan bo‘lsa, bu boshqa masala. 21-asrda vakillarimiz boshqa liga klublaridan ko‘ra ko‘proq sovrinlarni qo‘lga kiritishdi", - dedi Tebas Marca bilan suhbatda.
