“Roma” hujumchisi Temmi Abraxam Finlyandiyaning XIK jamoasi ustidan (2:1) qo‘lga kiritilgan g‘alaba haqidagi o‘z fikrlari bilan o‘rtoqlashdi.
Angliyalik futbolchi uchrashuvning 41-daqiqasidayoq rimliklarni hisobda oldinga olib chiqdi va Yevropa Ligasining joriy mavsumidagi ilk golini urdi.
“Gol urish har doim yoqimli. Men hujumchi sifatida buni qilishni juda yaxshi ko‘raman, lekin oxirgi paytlarda bu menga qiyin bo‘ldi. Bunday vaziyatlarda sabr-toqatli bo‘lish kerak va bugun, nihoyat, to‘g‘ri vaqtda kerakli joyda bo‘lish orqali buni amalga oshirdim.
Bu qiyin o‘yin bo‘ldi, ammo biz qiyinchiliklarga tayyor edik. Biz o‘yinni unchalik yaxshi boshlamadik, lekin bu yo‘lda yaxshilandik. Hisob ishonchliroq bo‘lishi mumkin edi, lekin asosiysi g‘alaba”, - dedi Abraxam Sky Sport nashriga bergan intervyusida.
