“Рома” ҳужумчиси Тэмми Абрахам Финляндиянинг ХИК жамоаси устидан (2:1) қўлга киритилган ғалаба ҳақидаги ўз фикрлари билан ўртоқлашди.

Англиялик футболчи учрашувнинг 41-дақиқасидаёқ римликларни ҳисобда олдинга олиб чиқди ва Европа Лигасининг жорий мавсумидаги илк голини урди.

“Гол уриш ҳар доим ёқимли. Мен ҳужумчи сифатида буни қилишни жуда яхши кўраман, лекин охирги пайтларда бу менга қийин бўлди. Бундай вазиятларда сабр-тоқатли бўлиш керак ва бугун, ниҳоят, тўғри вақтда керакли жойда бўлиш орқали буни амалга оширдим.

Бу қийин ўйин бўлди, аммо биз қийинчиликларга тайёр эдик. Биз ўйинни унчалик яхши бошламадик, лекин бу йўлда яхшиландик. Ҳисоб ишончлироқ бўлиши мумкин эди, лекин асосийси ғалаба”, - деди Абрахам Sky Sport нашрига берган интервьюсида.