Мадриднинг «Реал» клуби президенти Флорентино Перес ўтказилган матбуот анжуманида кескин баёнотлар билан чиқиш қилди. Клуб раҳбари «Барселона»ни кўп йиллар давомида ҳакамларга пул тўлаб келганликда («Негрейра иши») айблади.

Переснинг сўзларига кўра, «қироллик клуби» УEФА учун махсус ҳужжат тайёрламоқда ва ушбу масала бўйича Каталония клубига нисбатан чора кўрилишини талаб қилмоқчи.

Ушбу баёнотлардан бир неча соат ўтиб, «Барселона» расмий муносабат билдирди.

«Реал» президенти Флорентино Переснинг матбуот анжуманида айтган гаплари юзасидан шуни маълум қиламизки, клубимиз юридик департаменти унинг баёнотлари ва айбловларини синчиклаб ўрганмоқда. Айни дамда улар таҳлил қилинмоқда ва келгусида ташланадиган қадамлар баҳоланмоқда», — дейилади «кўк-анорранглилар» баёнотида.

Каталония клуби тегишли қарорлар қабул қилингач, бу ҳақда қўшимча маълумот берилишини таъкидлаган.