Islandiyaning Rekyavik shahrida o‘tkazilayotgan «Fischer Random World Championship-2022» musobaqasida shaxmatchimiz Nodirbek Abdusattorov yarim final bahsini o‘tkazdi. Hamyurtimizga AQSH sharafini himoya qiluvchi Xikaru Nakamuraga qarshi dona surdi.

Afsuski Nodirbek o‘z imkoniyatlaridan ancha past o‘yin ko‘rsatib, o‘tkazilgan 3ta partiyaning barchasida yutqazib qo‘ydi. Abdusattorov birinchi o‘yinning boshidayoq farzinidan ayrilib qoldi. Bu holat ruhiy jihatdan yurtdoshimiz salbiy ta’sir qildi va keyinga partiyalarda ham yutqazdi.

O‘zbekistonlik shaxmatchi uchinchi o‘yinda g‘alaba qozonib, to‘qnashuv taqdirini keyingi bahsga qoldirishga juda yaqin turgandi. Ammo xatolar tufayli uchinchi partiyada ham mag‘lub bo‘ldi. Shu bois, to‘rtinchi o‘yinni o‘tkazishga hojat qolmadi.

Magnus Karlsen va Yan Nemomnyashchiy o‘rtasida o‘tkazilgan ikkinchi yarim final bahsida rossiyalik shaxmatchi 3:1 hisobida g‘alaba qozondi.

Bugun esa Abdusattorov 3-o‘rin uchun Magnus Karlsenga qarshi donasi suradi.