Mashhur «qopag‘on» Luis Suares yana e’tibor markazida! Yevropa futbolida rosa yayragan goleador hujumchi katta tanaffusdan keyin Urugvayga qaytdi va qadrdon klubi bilan yana chempion bo‘ldi.
Luis Suares o‘z mamlakatiga samarali faoliyatiga nuqta qo‘yish uchun borganmidi? Ma’lumot uchun, 35 yoshli faxriy professional futbolga mavsum-2005|2006da qadrdon klubi - «Nasyonal»da qadam tashlagandi. Diqqatga sazovor tomoni, yosh hujumchi debyut mavsumidayoq 27ta o‘yinda qatnashib, 10ta gol urish asnosida «Nasyonal»ning Urugvay chempionatida g‘olib chiqishiga katta hissa qo‘shgandi. Luis Suares omadli mavsumdan so‘ng Yevropa futboliga yuzlanishni paysalga solmadi. U bunda Niderlandiyaning kamtarin klubi - «Groningen» taklifini qabul qilishdan cho‘chigani yo‘q. Shu tariqa urugvaylik futbolchining «ko‘hna qit’a»dagi sarguzashtlari boshlandi. Bu sarguzasht juda boy va sovrinlarga to‘la. Har holda, «Groningen»da uzoq qolib ketmagan Suares «Ayaks»ga o‘tib, Eredivizion chempioniga aylandi, «Liverpul»dagi davrida esa Angliya Liga kubogini boshi uzra baland ko‘tardi. U shuningdek, «Barselona»da La Liga va CHLda 4ta sovrin yutdi, bunga «Atletiko» bilan yutilgan ispancha «oltin»ni qo‘shib qo‘ydi.
Ehtimol, Urugvay chempionatidagi g‘alaba Suares uchun oxirgisi bo‘lib qolar. «Nasyonal» oltin medal masalasini finishga bir tur qolgan pallada hal qildi. Luis Suares esa «Serrito» 2:1 hisobida mag‘lubiyatga uchratilgan bahsda qadrdon klubi libosida oxirgi o‘yinlaridan birini o‘tkazdi. Eslatma, faxriy hujumchi Urugvayga iyul oyida qaytgandi. Oktyabr oxirida esa uning mavsum yakunida yana erkin agent maqomini olishi ma’lum bo‘ldi. Bu xabarni «Nasyonal» prezidenti Xose Fuentes ham tasdiqladi: «Mavsum tugashi bilan Suares jamoamizdan ketadi».
Urugvaylik faxriy yana yuqoriroq saviyada o‘ynashga kuch topadimi? Nahotki, u o‘zini yana yevrofutbolga ursa? Har holda, xabarlar oqimiga qaraganda, Luis Suaresni Yevropada kutayotgan klublar yo‘q emas. Lekin bu borada hozircha aniq ma’lumotlar kam. Luis Suares «Barselona» tarixida «oltin» iz qoldirgan futbolchilardan biri, albatta. Ayniqsa, Messi va Neymar bilan hamkorligi samarali chiqqandi. Umuman, Suares - Messi - Neymar triosi davrida rasmiylashtirilgan yorqin g‘alabalar Kataloniya klubi muxlislari xotiralariga abadiy muhrlangan. Ular jumladan, urugvaylikning xizmatini aslo unutishmagan, garchi jamoaning o‘zi oxirida unga nisbatan adolatsizlik qilgandek tuyulgan bo‘lsada.
Fakt. Luis Suares Urugvayga qaytganidan so‘ng milliy chempionatda «Nasyonal» libosida 9 marta maydonga tushdi va 4ta golga mualliflik qildi.
Ravshan IBROHIM tayyorladi
| 09/12 00:45 | Torino | 2-3 | Milan | ||
| 09/12 01:00 | Vulverhempton | 1-4 | Man. Yunayted | ||
| 09/12 01:00 | Osasuna | 2-0 | Levante | ||
| 09/12 15:00 | Matida Zelviya | 3-1 | Ulsan Xyonde | ||
| 09/12 15:00 | Vissel Kobe | 2-2 | Chengdu Rongcheng | ||
| 09/12 17:15 | Buriram Yunayted | 2-2 | Kangvon | ||
| 09/12 17:15 | Johor Dorul Ta'zim | 0-0 | Shangxay Port | ||
| 09/12 20:30 | Qayrat | 0-1 | Olimpiakos | ||
| 09/12 22:45 | Bavariya | 3-1 | Sporting | ||
| 10/12 01:00 | Monako | 1-0 | Galatasaroy | ||
| 10/12 01:00 | Atalanta | 2-1 | Chelsi | ||
| 10/12 01:00 | Barselona | 2-1 | Ayntraxt F | ||
| 10/12 01:00 | Inter | 0-1 | Liverpul | ||
| 10/12 01:00 | PSV | 2-3 | Atletiko | ||
| 10/12 01:00 | Tottenhem | 3-0 | Slaviya | ||
| 10/12 01:00 | Yunion | 2-3 | Marsel | ||
| 10/12 15:00 | Seul | - | Melburn Siti | ||
| 10/12 15:00 | Sanfrechche Xirosima | - | Shanghai Shenhua |
Luis Suares 16 yil o‘tib yana Urugvay chempioniga aylandi
Luis Suares 16 yil o‘tib yana Urugvay chempioniga aylandi
| Baho: |
+ | -
|
Bo'lim:
JAHON FUTBOLI
Rukn: Yangiliklar
Manba: «Интерфутбол» газетаси
Kiritildi: 11:00, 31.10.2022.
O'qildi: 2225 marta.
Fikrlar: 0 ta.
O'qildi: 2225 marta.
Fikrlar: 0 ta.
Eng ko'p o'qilgan yangiliklar
Serxio Ramos APLning top-klubidan taklif oldi [3396]
Lamin Yamal diskvalifikasiya qilindi [2927]
Yamal Chempionlar Ligasida Mbappe o‘rnatgan rekordni yangiladi [2558]
Gvardiola bugun kimlarga ishonadi? «Real» – «Man Siti» o‘yini taxminiy tarkiblari [2450]
«Real» — «Man Siti». Uchrashuvni o‘tkazib yuboradigan futbolchilar ro‘yxati [2168]
G‘alabadan so‘ng Slot Saloh haqida gapirdi [2151]
Xabi Alonso «Real»dagi kelajagi haqida bayonot berdi [2023]
Mbappe "Manchester Siti"ga qarshi o‘ynamoqchi, ammo jiddiy muammo bor [1999]
Flik: «Undan kutmagan edim» [1860]
«Barselona» bu transfer uchun Yevropaning 9 ta grand jamoasini ortda qoldirmoqchi [1837]
| Asosiy saxifa |
|
© STADION.UZ Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart. Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar. |
|
|