"Barselona" hujumchisi Robert Levandovski joriy mavsum boshlanishidan oldin jamoaga kelib qo‘shilgan bo‘lib, hozirda nafaqat "ko‘k-anorranglilar"ning asosiy to‘purari, balki yosh futbolchilarning yordamchisiga ham aylandi. Bu haqda Mundo Deportivo xabar bermoqda.
Manbaning aytishicha, 34 yoshli polshalik hujumchi ko‘pincha Pedri, Gavi va Aleks Balde bilan maslahatlashib turadi.
Levandovski futbol maydonidagi maslahatlardan tashqari, yosh futbolchilarga nafaqat maydonda muloqot qilish, balki tantanali tadbirlarda qatnashish uchun ham zarur bo‘lgan ingliz tilini faol o‘rganishni tavsiya qildi.
Robertning aytishicha, ular to‘g‘ri diyetaga rioya qilishlari va gazlangan ichimliklardan voz kechishlari kerak. Futbolchining futbolda uzoq umr ko‘rish sirlaridan biri ham shu.
