"Барселона" ҳужумчиси Роберт Левандовски жорий мавсум бошланишидан олдин жамоага келиб қўшилган бўлиб, ҳозирда нафақат "кўк-анорранглилар"нинг асосий тўпурари, балки ёш футболчиларнинг ёрдамчисига ҳам айланди. Бу ҳақда Mundo Deportivo хабар бермоқда.
Манбанинг айтишича, 34 ёшли польшалик ҳужумчи кўпинча Педри, Гави ва Алекс Бальде билан маслаҳатлашиб туради.
Левандовски футбол майдонидаги маслаҳатлардан ташқари, ёш футболчиларга нафақат майдонда мулоқот қилиш, балки тантанали тадбирларда қатнашиш учун ҳам зарур бўлган инглиз тилини фаол ўрганишни тавсия қилди.
Робертнинг айтишича, улар тўғри диетага риоя қилишлари ва газланган ичимликлардан воз кечишлари керак. Футболчининг футболда узоқ умр кўриш сирларидан бири ҳам шу.
