Chempionlar ligasi guruh bosqichining so‘nggi o‘yinida Shotlandiyaning “Glazgo Reynjers” klubi Yevropaning eng nufuzli klub turnirida “Ayaks” jamoasidan uchta gol o‘tkazib yuborib, ketma-ket oltinchi mag‘lubiyatini qabul qildi. "Reynjers" sardori Jeyms Taverniyer o‘yin natijasini quyidagicha izohladi:
"Albatta, bularning barchasini qabul qilish qiyin. Oxirgi o‘yinni o‘z muxlislarim oldida yaxshiroq yakunlashni xohlardim. Biz o‘zimizni yaxshilashimiz kerak, yutqazish juda yoqimsiz, muxlislarimiz bizni g‘olib deb bilishadi, ammo bu yerda biz ularning umidlarini oqlay olmadik", - deya Taverniyer so‘zlarini keltiradi BBC.
