“Atletiko” hatto Yevropa ligasining pley-off bosqichiga ham chiqa olmadi. Seshanba oqshomida Diyego Simeone jamoasi "Portu"ga 1:2 hisobida mag‘lub bo‘ldi va Chempionlar Ligasi guruh bosqichida so‘nggi o‘rinni egalladi.

"Atletiko" bosh murabbiyi Diyego Simeone iste’foga chiqarilishi va uning o‘rniga Luis Enrike kelishi mumkinligi haqida mish-mishlar tarqaldi. Biroq, COPE nashrining ma’lumotlariga ko‘ra, bu ma’lumot haqiqatga to‘g‘ri kelmaydi.

Manbaga ko‘ra, "Atletiko" Diyego Simeoneni to‘liq qo‘llab-quvvatlaydi va murabbiyni o‘zgartirish niyatida emas.

"10 yil ichida birinchi marta muvaffaqiyatsizlikka uchradik. Endi biz La Ligada kurashamiz", - dedi “Atletiko” rahbariyati manba bilan suhbatda.