“Атлетико” ҳатто Европа лигасининг плей-офф босқичига ҳам чиқа олмади. Сешанба оқшомида Диего Симеоне жамоаси "Порту"га 1:2 ҳисобида мағлуб бўлди ва Чемпионлар Лигаси гуруҳ босқичида сўнгги ўринни эгаллади.
"Атлетико" бош мураббийи Диего Симеоне истеъфога чиқарилиши ва унинг ўрнига Луис Энрике келиши мумкинлиги ҳақида миш-мишлар тарқалди. Бироқ, COPE нашрининг маълумотларига кўра, бу маълумот ҳақиқатга тўғри келмайди.
Манбага кўра, "Атлетико" Диего Симеонени тўлиқ қўллаб-қувватлайди ва мураббийни ўзгартириш ниятида эмас.
"10 йил ичида биринчи марта муваффақиятсизликка учрадик. Энди биз Ла Лигада курашамиз", - деди “Атлетико” раҳбарияти манба билан суҳбатда.
