Superliga turidan o‘rin olgan “Qizilqum” – “Qo‘qon-1912” (1:1) o‘yinidan so‘ng mezbonlar bosh murabbiyi Nikola Lazarevich jamoasi yuz foizlik imkoniyatlardan foydalana olmagani va Sherali Jo‘rayevni nima uchun almashtirgani haqida gapirdi.
“Raqibning ayrim o‘yinchilari jarohatlangani haqida xabarimiz bor edi. Raqibning bundan avvalgi turda “So‘g‘diyona”ga qarshi o‘yinini ham tahlil qilgan edik. Yigitlarim yaxshi o‘yin ko‘rsatishdi, ammo yuz foizlik imkoniyatlardan foydalana olmadik. Bu borada raqibga omad kulib boqdi”, - deydi “Qizilqum” ustozi.
“Sherali Jo‘rayev raqib yarim himoyachilarini yopishda qiynaldi va shu bois uni almashtirdik. Hujumni ham kuchaytirishni istadik. Mustafoyevni esa biroz orqaroqqa qaytardik”.
