“So‘g‘diyona” bilan uchrashuv qahramoni Doston Hamdamov "Paxtakor" matbuot xizmatiga o‘yin haqida qisqacha intervyu berdi.

- Doston, noqulay havoda o‘tgan o‘yin jamoaga qanchalik qiyinchilik tug‘dirdi?

- Bugungi o‘yin ochkolar bo‘yicha juda muhim o‘yin edi. O‘tgan turda raqiblarimiz qoqilishidan foydalana oldik va bugun uch ochkoni ko‘lga kiritdik. Bahsga yaxshi tayyorgarlik ko‘rdik. Qilgan xarakatlarimizga yarasha bugun g‘alabaga erishdik deb o‘ylayman.

- Jamoa birinchi daqiqalardan hujumkor o‘yin ko‘rsatdi. Bellashuv boshidayoq uzoq masofadan darvozaga to‘pni "mixlab" qo‘ydingiz. Golingiz o‘yinga qanchalik ta’sir qildi?

- Chiroyli gol urganimdan xursandman, men urgan gol jamoaga g‘alaba qozonishda yordam bergani yanada xursand qiladi. Birinchi gol jamoaning bugungi uchrashuvdagi vazifasini ancha osonlashtirdi. Raqibni hujum qilishga majbur qilib qo‘ydik, keyin esa bizda qarshi hujumlar uchun ochiq hududlar paydo bo‘la boshladi. Bu esa hujumlarimizning xavfliroq bo‘lishiga yordam berdi.

- So‘nggi uchta o‘yinda maksimal natijaga erishib, chempionlik sari kurashni davom ettirmoqda. Oxirgi bahslardan oldin jamoada kayfiyat qanday?

- Jamoada kayfiyat a’lo darajada, mashg‘ulotlarda ancha o‘smoqda va mehnat qilmoqda. Qolgan o‘yinlarda faqatgina g‘alaba qozonish haqida o‘ylayapmiz va biz buni uddalashimizga ishonaman. Mavsum biz uchun qiyin kechmoqda. Keyingi yil ancha kuchliroq jamoani ko‘rasiz.