"Atletiko" Chempionlar ligasi guruh bosqichida muvaffaqiyatsizlikka uchradi. “Portu”, “Bryugge” va “Bayer” klublari ichida so‘nggi o‘rinni egallagan Diyego Simeone jamoasi Yevropa ligasining pley-off bosqichiga ham chiqa olmadi.
Natijada Madrid klubi ehtimoliy daromaddan quruq qoldi. Vaziyatdan kelib chiqib, “matraschilar” endi futbolchilarni sotish uchun transfer bozoriga kirishi kerak bo‘ladi.
Cadena Ser xabariga ko‘ra, "Atletiko" transfer uchun to‘rt nafar futbolchisini taklif qiladi. Bu ro‘yxatga Joau Feliks, Rodrigo de Paul, Toma Lemar va Yannik Karrasko kiritilgan.
Qayd etilishicha, «Atletiko» moliyaviy hisobotni muvozanatlash uchun kamida ikki futbolchisini sotishi kerak.
