"Атлетико" Чемпионлар лигаси гуруҳ босқичида муваффақиятсизликка учради. “Порту”, “Брюгге” ва “Байер” клублари ичида сўнгги ўринни эгаллаган Диего Симеоне жамоаси Европа лигасининг плей-офф босқичига ҳам чиқа олмади.
Натижада Мадрид клуби эҳтимолий даромаддан қуруқ қолди. Вазиятдан келиб чиқиб, “матрасчилар” энди футболчиларни сотиш учун трансфер бозорига кириши керак бўлади.
Cadena Ser хабарига кўра, "Атлетико" трансфер учун тўрт нафар футболчисини таклиф қилади. Бу рўйхатга Жоау Феликс, Родриго де Пауль, Тома Лемар ва Янник Карраско киритилган.
Қайд этилишича, «Атлетико» молиявий ҳисоботни мувозанатлаш учун камида икки футболчисини сотиши керак.