"Milan" klubi "Chelsi" yarim himoyachisi Xakim Ziyeshning vakillaridan futbolchining "rossonerilar" vakiliga aylanish istagi haqida xabar oldi, deb xabar beradi Calciomercato.
Shuningdek, agentlar transferni sotib olish huquqi bilan ijaraga berishni taklif qilishdi. "Milan" bu g‘oyaga qiziqmoqda, ammo klub Ziyesh borasida hali yakuniy qarorga kelgani yo‘q. Yanvar oyida Italiya klubi Stefano Piolining o‘yin uslubiga mos keladigan futbolchilarnigina o‘z safiga qo‘shib olishga tayyor.
"Chelsi" va "Milan" o‘rtasida Ziyesh borasidagi muzokaralar yozda davom etgan, biroq tomonlar kelishuvga erisha olishmagan. Xakim Londonda qoldi, u bu mavsumda 7 o‘yinda bor-yo‘g‘i 186 daqiqa o‘ynadi.