Madridning "Atletiko" klubi hujumchi Joau Feliksni sotish imkoniyatini ko‘rib chiqmoqda va boshqa klublar takliflarini tinglashga tayyor, deb xabar beradi Marca.
Manbaga ko‘ra, bunga klubning Chempionlar ligasi guruh bosqichidagi muvaffaqiyatsiz o‘yini sabab bo‘lgan. Qayd etilishicha, 22 yoshli portugaliyalik futbolchiga "Bavariya" va "Manchester Yunayted" klublari qiziqish bildirmoqda va hujumchini sotib olish narxi 100 million yevro atrofida.
Joriy mavsumda Feliks “Atletiko” safida 16 ta o‘yinda maydonga tushib, 2 ta gol urdi va 3 ta golli uzatmani amalga oshirdi.
Transfermarkt portali portugaliyalik futbolchining narxini 70 million yevroga baholamoqda.
