Мадриднинг "Атлетико" клуби ҳужумчи Жоау Феликсни сотиш имкониятини кўриб чиқмоқда ва бошқа клублар таклифларини тинглашга тайёр, деб хабар беради Marca.
Манбага кўра, бунга клубнинг Чемпионлар лигаси гуруҳ босқичидаги муваффақиятсиз ўйини сабаб бўлган. Қайд этилишича, 22 ёшли португалиялик футболчига "Бавария" ва "Манчестер Юнайтед" клублари қизиқиш билдирмоқда ва ҳужумчини сотиб олиш нархи 100 миллион евро атрофида.
Жорий мавсумда Феликс “Атлетико” сафида 16 та ўйинда майдонга тушиб, 2 та гол урди ва 3 та голли узатмани амалга оширди.
Transfermarkt портали португалиялик футболчининг нархини 70 миллион еврога баҳоламоқда.
