"Tottenxem" bosh murabbiyi Antonio Konte "Liverpul"ni misol qilib, faqat yirik xaridlar bilan APLga da’vogarlik qilish mumkinligini aytdi.
"Shubhasiz, Klopp "Liverpul"ni o‘zgartirdi va klub unga sarmoya kiritish imkoniyatini berdi. Uxlamasdan xohlagancha ishlash mumkin, ammo yakunda muhim o‘yinchilar kerak, agar g‘alaba qozonishni istasangiz, kuchli o‘yinchilar kerak. Aks holda, yosh o‘yinchilarni o‘stirishga e’tibor qaratib, kutish orqali boshqa ambisiyalaringiz borligini ochiqchasiga tan olishingiz kerak.
Agar yangi saviyaga chiqishni va qobiliyatli jamoa bo‘lishni istasangiz, sarmoya kiritishingiz kerak, ayniqsa Angliyada. Nafaqat sarmoya kiritish, balki ko‘p mablag‘ kiritish kerak. Lekin shu bilan birga, pulni to‘g‘ri sarflash muhim, chunki ba’zida siz o‘yinchilarni 50 60, 80, 100, 120 million funtga sotib olishingiz mumkin va bu o‘tmishda bo‘lgani kabi behuda transfer bo‘lishi mumkin" - dedi Konte.
O‘ylaymanki, "Liverpul" o‘zi bilan faxrlanishi mumkin, chunki so‘nggi besh yil ichida ular "Manchester Siti"ga katta raqobatchi bo‘lishdi. Aks holda, "Liverpul"siz "Manchester Siti" ustunlik qilishi mumkin edi" - deya qo‘shimcha qildi Konte.
