"Тоттенхэм" бош мураббийи Антонио Конте "Ливерпул"ни мисол қилиб, фақат йирик харидлар билан АПЛга даъвогарлик қилиш мумкинлигини айтди.

"Шубҳасиз, Клопп "Ливерпул"ни ўзгартирди ва клуб унга сармоя киритиш имкониятини берди. Ухламасдан хоҳлаганча ишлаш мумкин, аммо якунда муҳим ўйинчилар керак, агар ғалаба қозонишни истасангиз, кучли ўйинчилар керак. Акс ҳолда, ёш ўйинчиларни ўстиришга эътибор қаратиб, кутиш орқали бошқа амбицияларингиз борлигини очиқчасига тан олишингиз керак.

Агар янги савияга чиқишни ва қобилиятли жамоа бўлишни истасангиз, сармоя киритишингиз керак, айниқса Англияда. Нафақат сармоя киритиш, балки кўп маблағ киритиш керак. Лекин шу билан бирга, пулни тўғри сарфлаш муҳим, чунки баъзида сиз ўйинчиларни 50 60, 80, 100, 120 миллион фунтга сотиб олишингиз мумкин ва бу ўтмишда бўлгани каби беҳуда трансфер бўлиши мумкин" - деди Конте.

Ўйлайманки, "Ливерпуль" ўзи билан фахрланиши мумкин, чунки сўнгги беш йил ичида улар "Манчестер Сити"га катта рақобатчи бўлишди. Акс ҳолда, "Ливерпул"сиз "Манчестер Сити" устунлик қилиши мумкин эди" - дея қўшимча қилди Конте.