"Bavariya" bosh murabbiyi Yulian Nagelsmann "Gerta" bilan o‘yin natijasini (3:2) sarhisob qildi.
“Uchrashuv qiyin kechdi. O‘z futbolimizni ko‘rsata olmagan paytlarimiz ham bo‘ldi. 3:0 dan keyin konsentrasiyani yo‘qotdik va ikkita tezkor gol o‘tkazib yubordik.
Bu o‘yinda albatta g‘alaba qozonishimiz kerak edi va biz vaziyatimizni murakkablashtirib yuborgan bo‘lsak ham buni uddaladik.
Chupo-Motingning gollari meni ajablantirmaydi, u sog‘lom bo‘lsa, u o‘z mahoratini namoyish etadi. Uning o‘yini uning holatining natijasidir.
Noyer qaytganidan xursandmiz. U sardor va biz uchun juda muhim o‘yinchi va u hali ham dunyoning eng yaxshi darvozaboni. Manu tuzalib ketganidan butun Germaniya xursand”, - dedi Nagelsmann.
