Bundesliganing 13-turida “Leypsig” “Xoffenxaym”ni 3:1 hisobida mag‘lub etdi.

Bu Marko Rouz jamoasining so‘nggi 11 uchrashuvdagi 9-g‘alabasi bo‘lib, klub yana ikki bor durang o‘ynadi.

Rouz qo‘l ostida "Leypsig" oxirgi marta 17 sentyabr kuni Myonxengladbaxning "Borussiya"si bilan o‘yinda (0:3) mag‘lub bo‘lgandi.

Jamoa Germaniya chempionatida peshqadam “Bavariya”dan 6 ochko ortda qolib, 6-o‘rinda bormoqda.

Chempionlar ligasida “Leypsig” “Shaxtyor”ni mag‘lub etib, turnirning pley-off bosqichiga yo‘llanma oldi.