Lionel Messi faoliyatini davom ettiradigan klubni tanlash Argentina terma jamoasining Qatarda bo‘lib o‘tadigan 2022 yilgi jahon chempionatidagi o‘yiniga bog‘liq bo‘ladi.
El Nacional xabariga ko‘ra, 35 yoshli argentinalik agar terma jamoa bilan sovrin yuta olsa, MLSdan "Inter Mayami" taklifini qabul qiladi. Aks holda, Lionel Yevropada qoladi va 2026 yilgacha yuqori saviyada o‘ynashga harakat qiladi.
Messining "PSJ" bilan amaldagi shartnomasi kelasi yozda tugaydi, klub 1+1 sxemasi bo‘yicha shartnomani uzaytirmoqchi.













