"Liverpul" hujumchisi Muhammad Saloh Angliya chempionatining 15-turida "Tottenxem"ga qarshi o‘yindagi g‘alaba (2:1) haqida fikr bildirdi. Bu uchrashuvda Saloh dubl qayd etdi.

“Biz futbol o‘ynadik va ikkita gol urishga muvaffaq bo‘ldik, ammo ikkinchi bo‘limda gol urishimiz mumkin edi, deb o‘ylayman, ammo omadimiz kelmadi. Eng muhimi, uch ochkoni qo‘lga kirita oldik. "Tottenxem" har doim qiyin raqib, xoh mehmonda, xoh uyda o‘ynasak. Lekin men doim bor e’tiborimni o‘yinga qarataman va jamoaga foydam tegishga harakat qilaman. Bugun men buni uddaladim", - deya Salohning so‘zlarini keltiradi "Liverpul" rasmiy sayti.

Yurgen Klopp shogirdlari 19 ochko jamg‘arib, turnir jadvalida sakkizinchi o‘ringa ko‘tarilib oldi. 26 ochkoga ega “Tottenxem” esa to‘rtinchi o‘rinda qoldi.