Angliyaning "Sautgempton" klubi Chempionship vakili - "Luton" bosh murabbiyi Neytan Jons bilan muzokaraga kirishdi.
Bugun ertalab "Sautgempton" 2018 yilning dekabridan beri "avliyolar"ga murabbiylik qilib kelayotgan Ralf Xazenxyuttlning ishdan bo‘shatilganini tasdiqladi.
Sky Sports nashri xabariga ko‘ra, "avliyolar" 49 yoshli uelslik Jonson bilan muzokaralarni boshlash uchun "Luton" klubidan ruxsat olishgan.
Neytan 2020 yildan beri "Luton"ni boshqarib kelmoqda va o‘tgan mavsumda kam byudjetga qaramay chempionatda oltinchi o‘rinni egalladi va Angliyaning ikkinchi divizionidagi eng yaxshi murabbiy deb topildi.
Agar hammasi joyida bo‘lsa, Jons "Sautgempton"da debyutini kelasi dam olish kunlarida "Liverpul"ga safarda bo‘lib o‘tadigan o‘yinda o‘tkazishi mumkin.