Yevropa Ligasi pley-off bosqichiga qur’a tashlash marosimi bizga fevral oyida “Manchester Yunayted” – “Barselona” o‘yinini ko‘rish imkoniyatini berdi. Har doim Ronalduga qarshi bo‘lib kelgan Lionel Messi kataloniyaliklar lagerini allaqachon tark etgan, ammo bu portugaliyalikning "Barsa" bilan uchrashuvlardagi o‘zaro raqobatini yo‘qotishiga sabab bo‘lmaydi.
2003 yilda "Manchester Yunayted" Yevropadagi eng iste’dodli futbolchilardan bir Krishtianu Ronalduni o‘z safiga qo‘shib oldi. Ungacha portugaliyalik uchun "Chelsi", "Real Madrid" va "Arsenal" kurashayotgan edi. Shuningdek, "Barselona" prezidenti Joan Laporta Krishtianuning yaqinlari uni "Barsa"ga taklif qilganini aytdi.
"Ronaldu "Manchester Yunayted"ga o‘tishidan oldin biz uning agenti bilan gaplashganmiz. Dekoni qo‘lga kiritish uchun pulimiz yo‘q edi va Mendesh (Ronalduning agenti) boshqa iqtidorli bola haqida gapirdi. U bizga Ronni 17 million yevroga taklif qildi, ammo oxir-oqibat “Manchester Yunayted” u uchun 19 million to‘ladi va transferni rasmiylashtirdi.
"Barsa" bu transferni rad etdi, chunki ular allaqachon Ronaldinyoga pul sarflab bo‘lgan. "Chelsi" bu miqdorni juda katta deb hisobladi va "Parma" qarzlari tufayli o‘z fikrini o‘zgartirdi. "Real Madrid" Bekxemni sotib oldi. "Arsenal" esa shunchaki muvaffaqiyatsizlikka uchradi.
2014 yilda Roy Kin: "Biz ularning stadioni ochilishida "Sporting" bilan o‘ynadik", deb eslaydi. Ronaldu juda zo‘r edi, u Jon O'Shiga qarshi o‘ynadi. Tanaffus paytida Jon shifokorni chaqirdi, chunki uni boshi aylangan edi. Klub o‘yindan so‘ng muzokaralarni tugatdi, keyin biz O'Shini uzoq vaqt mazax qildik.
O‘yindan so‘ng Ronaldu "Manchester Yunayted"ning kiyinish xonasiga chaqirildi - Fergyuson va klub rahbarlari Krishtianuni "Yunayted"ni tanlashga ko‘ndirishdi. Transfer bir necha kun ichida yakunlandi.
Eslatib o‘tamiz, Ronaldu 2003 yilda "Sporting"dan "Manchester Yunayted"ga o‘tgan edi. Ushbu transfer britaniyaliklarga 19 million yevroga tushdi.
