Italiyaning "Milan" klubi bosh direktori bo‘lib ishlagan Ivan Gazidis lavozimini tark etadi. Bu haqda klub rasmiy sayti rasman ma’lum qildi. Gazidis 5 dekabr kuni, ya’ni shartnomasi muddati tugaydigan kuni lavozimni tark etadi.
"Milan"da Ivan Gazidis to‘rt yil ishladi. "Bu maydondagi jamoa uchun ham, maydon tashqarisidagi klub uchun ham o‘sish va modernizasiya davri bo‘ldi", deyiladi rasmiy bayonotda.
"Ajoyib to‘rt yildan so‘ng, men "Milan"ni tark etaman. Men bu klubga, uning ahli va muxlislariga va hayotimni saqlab qolgan bu shahardan juda ko‘p qarzdorman", - dedi Gazidis.
