“Liverpul” himoyachisi Trent Aleksandr-Arnold oxirgi paytlarda tanqidlarga uchramoqda.

Ba’zi ekspertlar va muxlislar futbolchini hujumni yaxshi ko‘rishi va himoyada o‘z ishini bajarmayotganlikda ayblashmoqda.

“Nevilning Trent haqida nimadir deganini eshitdim. Ammo u hozir 24 yoshda va ko‘plab finallarda g‘alaba qozongan, ko‘plab muhim o‘yinlarda jahon darajasidagi o‘yinchilarga qarshi himoyalanishga majbur bo‘lgan.

U doim o‘z saviyasida qoladi, yaxshi himoyalana oladi. Nega uni tanqid qilishayotganini tushunish qiyin”, deydi Klopp matbuot anjumanida.

Jahon chempionati oldidan so‘nggi o‘yinda "Liverpul" "Sautgempton"ni qabul qiladi. O‘yin 12 noyabr, shanba kuni bo‘lib o‘tadi.