“Ливерпуль” ҳимоячиси Трент Александр-Арнольд охирги пайтларда танқидларга учрамоқда.

Баъзи экспертлар ва мухлислар футболчини ҳужумни яхши кўриши ва ҳимояда ўз ишини бажармаётганликда айблашмоқда.

“Невилнинг Трент ҳақида нимадир деганини эшитдим. Аммо у ҳозир 24 ёшда ва кўплаб финалларда ғалаба қозонган, кўплаб муҳим ўйинларда жаҳон даражасидаги ўйинчиларга қарши ҳимояланишга мажбур бўлган.

У доим ўз савиясида қолади, яхши ҳимоялана олади. Нега уни танқид қилишаётганини тушуниш қийин”, дейди Клопп матбуот анжуманида.

Жаҳон чемпионати олдидан сўнгги ўйинда "Ливерпуль" "Саутгемптон"ни қабул қилади. Ўйин 12 ноябрь, шанба куни бўлиб ўтади.