Ukraina terma jamoasi va Doneskning “Shaxtyor” klubi qanot hujumchisi Mixaylo Mudrik Londonning “Arsenal” klubiga o‘tishga qarshi emas.

Futbolchining fikricha, u uchun eng muhimi asosiy tarkibdan joy olish.

“Men ularning o‘yinlarini kuzataman va ular juda dinamik jamoa. "Arsenal" muxlislari menga: "Bizga kel!" deb yozishadi. Agar menda "Real Madrid"da zaxira o‘yinchisi bo‘lish yoki "Arsenal"da asosiy o‘yinchi bo‘lish imkoniyati bo‘lsa, men Londonga ko‘chib o‘tgan bo‘lardim.

Avvalo, klub murabbiyidan asosiy tarkibda o‘ynash imkonim bo‘ladimi, deb so‘rashim kerak", - dedi u.