Myonxengladbaxning "Borussiya" klubi hujumchisi Markus Tyuram qishki transferlar vaqtida jamoani tark etishi mumkin, deb xabar beradi Bild.
Nemis klubi 25 yoshli hujumchini yozda tekinga boy bermaslik uchun qishda uni 10 million yevro evaziga qo‘yib yuborishga tayyor.
Mavsum oxirida Tyuramning "Borussiya" bilan shartnomasi tugaydi, shuning uchun klub uni yanvarda transfer qilish variantini ko‘rib chiqmoqda. Fransiya terma jamoasi hujumchisiga Milanning "Inter" klubi qiziqish bildirmoqda.
Tyuram joriy mavsumda Bundesliganing 15 o‘yinida 10 ta gol urdi.