Мёнхенгладбахнинг "Боруссия" клуби ҳужумчиси Маркус Тюрам қишки трансферлар вақтида жамоани тарк этиши мумкин, деб хабар беради Bild.
Немис клуби 25 ёшли ҳужумчини ёзда текинга бой бермаслик учун қишда уни 10 миллион евро эвазига қўйиб юборишга тайёр.
Мавсум охирида Тюрамнинг "Боруссия" билан шартномаси тугайди, шунинг учун клуб уни январда трансфер қилиш вариантини кўриб чиқмоқда. Франция терма жамоаси ҳужумчисига Миланнинг "Интер" клуби қизиқиш билдирмоқда.
Тюрам жорий мавсумда Бундеслиганинг 15 ўйинида 10 та гол урди.