"Arsenal" "Tuluza"ning hujumkor yarim himoyachisi Fares Shaibiga qiziqish bildirmoqda, deya xabar beradi Footmercato. London klubi skautlari futbolchini Fransiya chempionatining 15-turidan o‘rin olgan “Renn”ga qarshi o‘yinda (1:2) kuzatishdi.
19 yoshli jazoirlik bu mavsumda “Tuluza” safida barcha turnirlarda 13 o‘yin o‘tkazib, 3 ta gol urdi va 4 ta golli uzatmani amalga oshirdi. Transfermarkt portaliga ko‘ra futbolchining transfer qiymati 4 million yevroga baholanmoqda.
"Arsenal" 16-turdan keyin APL turnir jadvalida peshqadamlik qilmoqda. Jamoa 37 ochko jamg‘arib, eng yaqin ta’qibchi – “Manchester Siti”dan besh ochkoga ilgarilab ketdi.
