"Арсенал" "Тулуза"нинг ҳужумкор ярим ҳимоячиси Фарес Шаибига қизиқиш билдирмоқда, дея хабар беради Footmercato. Лондон клуби скаутлари футболчини Франция чемпионатининг 15-туридан ўрин олган “Ренн”га қарши ўйинда (1:2) кузатишди.
19 ёшли жазоирлик бу мавсумда “Тулуза” сафида барча турнирларда 13 ўйин ўтказиб, 3 та гол урди ва 4 та голли узатмани амалга оширди. Transfermarkt порталига кўра футболчининг трансфер қиймати 4 миллион еврога баҳоланмоқда.
"Арсенал" 16-турдан кейин АПЛ турнир жадвалида пешқадамлик қилмоқда. Жамоа 37 очко жамғариб, энг яқин таъқибчи – “Манчестер Сити”дан беш очкога илгарилаб кетди.