"Lester" belgiyalik yarim himoyachi Yuri Tilemansning kelasi yozda klubni tekinga tark etishiga to‘sqinlik qila olishiga ishonmoqda, deb xabar beradi Daily Mail.

Yarim himoyachi haligacha "tulkilar" bilan mavsum oxirigacha amal qiladigan shartnomasini yangilagani yo‘q. Yanvar oyidan boshlab futbolchi boshqa klublar bilan muzokara olib borishi mumkin.

Manba bergan xabarga ko‘ra, "Lester" rahbariyati futbolchi vakillari bilan yaxshi munosabatda va yaqin haftalarda kelishuvga erishmoqchi. Aks holda, ingliz klubi yanvar oyida Tilemansni sotishi mumkin.

Avvalroq belgiyalik futbolchiga "Arsenal" va "Barselona" klublari qiziqayotgan edi.

25 yoshli yarim himoyachi joriy mavsumda “Lester” safida barcha turnirlar doirasida 17 ta o‘yinda maydonga tushib, 3 ta gol urdi va 1 ta golli uzatmani amalga oshirdi. Transfermarkt ma’lumotlariga ko‘ra, futbolchining narxi 40 million yevroni tashkil qiladi.