"Лестер" бельгиялик ярим ҳимоячи Юри Тилеманснинг келаси ёзда клубни текинга тарк этишига тўсқинлик қила олишига ишонмоқда, деб хабар беради Daily Mail.
Ярим ҳимоячи ҳалигача "тулкилар" билан мавсум охиригача амал қиладиган шартномасини янгилагани йўқ. Январь ойидан бошлаб футболчи бошқа клублар билан музокара олиб бориши мумкин.
Манба берган хабарга кўра, "Лестер" раҳбарияти футболчи вакиллари билан яхши муносабатда ва яқин ҳафталарда келишувга эришмоқчи. Акс ҳолда, инглиз клуби январь ойида Тилемансни сотиши мумкин.
Аввалроқ бельгиялик футболчига "Арсенал" ва "Барселона" клублари қизиқаётган эди.
25 ёшли ярим ҳимоячи жорий мавсумда “Лестер” сафида барча турнирлар доирасида 17 та ўйинда майдонга тушиб, 3 та гол урди ва 1 та голли узатмани амалга оширди. Transfermarkt маълумотларига кўра, футболчининг нархи 40 миллион еврони ташкил қилади.
